اسلام آباد : پشاور زلمي جي وڪيٽ ڪيپر بيٽسمين محمد حارث جو چوڻ آهي ته دنيا جديد دور جي ڪرڪيٽ جي لحاظ کان پاڪستان کان گهڻو اڳتي نڪري چڪي آهي. خاص ڳالهه ٻولهه ڪندي محمد حارث چيو ته پاڪستان هڪ بيٽسمين ۽ هڪ ٽيم جي حيثيت سان جديد دور جي ڪرڪيٽ جي لحاظ کان پوئتي آهي، پر مان جديد دور جي ڪرڪيٽ کي ذهن ۾ رکڻ جي مشق ڪريان ٿو.هن چيو ته مان ڪوچز سان ڳالهائيندو رهيس ته جديد دور جي ڪرڪيٽ کي ڪيئن اپنائڻو آهي. منهنجو مقصد مستقبل جي ايونٽس ۾ جديد دور جي ڪرڪيٽ مطابق کيڏڻ آهي. جيڪڏهن قومي ڪرڪيٽ ٽيم به جديد دور جي ڪرڪيٽ مطابق کيڏندي ته پوءِ ڪو مسئلو نه هوندو.
