بالي ووڊ جي مشهور فلم ”ٽوئيلٿ فیل“ ۾ مرڪزي ڪردار ادا ڪندڙ اداڪار وڪرانت ميسي اداڪاري تان رٽائرمينٽ جو اعلان ڪري ڇڏيو آهي.37 سالن جي اداڪار انسٽا تي هڪ پوسٽ شيئر ڪندي اوچتو پنهنجي رٽائرمينٽ جو اعلان ڪري سڀني کي حيران ڪري ڇڏيو.انسٽاگرام تي هڪ نوٽ شيئر ڪندي هن لکيو ته 2025 ۾ منهنجي مداحن سان آخري ملاقات ٿيندي، گذريل ڪجهه سال يقيناً غير معمولي رهيا، مداحن جي بيحد محبت ۽ حمايت لاءِ مان توهان سڀني جو شڪر گذار آهيان.وڪرانت ميسي لکيو ته جيئن جيئن مان پنهنجي زندگيءَ ۾ اڳتي وڌي رهيو آهيان ته اهو وقت اچي ويو آهي ته مان هڪ مڙس، پيءُ ۽ پٽ جي حيثيت سان پنهنجون ڪجهه اهڙيون ذميواريون پوريون ڪريان جيڪي اڳ ۾ پورا نه ڪري سگهيس.پنهنجي مداحن جو شڪريو ادا ڪندي اداڪار وڌيڪ لکيو ته ”تنهنڪري ايندڙ سال 2025 ۾، اسان هڪ ٻئي سان آخري ڀيرو ملنداسين، جيستائين صحيح وقت اچي.هن اهو پڻ لکيو ته گذريل 2 فلمن ۽ ڪيترن سالن جي يادن لاءِ ٻيهر مهرباني، هميشه لاءِ توهان جو قرضدار رهندس
