اپر اورڪزئي : اپر اورڪزئي جي ڳوٺ ڊبوري بدان ۾ پوليو ٽيم تي هٿياربندن فائرنگ ڪري ڏني.پوليس موجب فائرنگ ۾ اينٽي پوليو ٽيم جي سيڪيورٽي ڊيوٽي تي موجود هڪ پوليس اهلڪار شهيد ۽ ٻيو زخمي ٿي پيو.ڊي ايس پي موجب پوليس ۽ فرنٽيئر ڪور جا اهلڪار واقعي واري هنڌ پهچي ويا آهن ۽ سرچ آپريشن شروع ڪري ڇڏيو آهي.ٻئي طرف بلوچستان جي سمورن 36 ضلعن ۾ پوليو خلاف مهم جاري آهي.بلوچستان ۾ هلندڙ سال پوليو جا 21 ڪيس سامهون آيا آهن.هلندڙ سال سڄي ملڪ ۾ پوليو سبب متاثر ٻارن جو انگ وڌي 41 ٿي ويو آهي.
