اڪبر ايس بابر پاران پي ٽي آءِ فنڊنگ بابت اسڪروٽني ڪميٽي جو فيصلو چئلينج ڪرڻ جو اعلان
اسلام آباد: وزيراعظم عمران خان جي هڪ مائٽ پي ٽي آءِ ۾ اهم عهدي جي آڇ ڪئي، مون کي سينيٽ چيئرمين بڻائڻ جي به آڇ ٿي، پر سموريون آڇون رد ڪري ڇڏيون، پي ٽي آءِ خلاف پرڏيهي فنڊنگ ڪيس ۾ درخواستگذار اڪبر ايس بابر جا اهم انڪشاف، اڪبر ايس بابر چيو آهي ته پرڏيهي فنڊنگ ڪيس تان هٿ کڻڻ لاءِ آڇن سان گڏ ڌمڪيون ڏنيون ويون ۽ ڪوڙا ڪيس داخل ڪيا ويا، اسڪروٽني ڪميٽي 3 سال گذرڻ باوجود پي ٽي آءِ خلاف پرڏيهي فنڊنگ جي آڊٽ ڪرائڻ ۾ ناڪام ٿي وئي، پي ٽي آءِ جي پرڏيهي فنڊنگ جو رڪارڊ ڳجهو رکڻ تي سوال پيدا ٿين ٿا، اسڪروٽني ڪميٽي جي فيصلي کي اليڪشن ڪميشن ۾ چئلينج ڪنداسين.