ملتان : پرڏيهي وزير شاهه محمود قريشي چيو آهي ته ملتان کي ڏکڻ پنجاب جي انتظامي معاملن ۾ نظر انداز نه ڪيو ويندو،ڏکڻ پنجاب سيڪريٽريٽ ملتان مڪمل طور فعال هوندي. ملتان مان جاي ڪيل بيان ۾ پرڏيهي وزير شاهه محمود قريشي چيو ته تحريڪ انصاف جي منشور مطابق ڏکڻ پنجاب جي عوام کي انصاف گهر جي در تي ملندو. هن چيو ته ايڊيشنل چيف سيڪريٽري هفتي ۾ 3 ڏينهن ڏکڻ پنجاب سيڪريٽريٽ ملتان ۾ ويهندو. هن چيو ته ملتان سيڪريٽريٽ جي فعال ٿيڻ سان ڏکڻ پنجاب جي عوام کي لاهور تائين وڃڻو نه پوندو ۽ انهن جا ننڍا وڏا مسئلا آساني سان حل ٿي ويندا.
