اسلام آباد: راولپنڊي جي دهشتگردي جي انت واري عدالت ڀڃ ڊاهه ۽ باهين جي ڪيس ۾ پي ٽي آءِ اڳواڻ اعظم سواتي جو وڌيڪ 7 ڏينهن جو جسماني ريمانڊ منظور ڪري ورتو.پي ٽي آءِ اڳواڻ اعظم سواتي جو 2 ڏينهن جو جسماني ريمانڊ مڪمل ٿيڻ تي دهشتگردي جي انت واري عدالت راولپنڊي ۾ پيش ڪيو ويو اي ٽي سي جج امجد علي شاهه جسماني ريمانڊ جي درخواست تي ٻڌڻي ڪئي.پوليس طرفان اعظم سواتي جي وڌيڪ جسماني ريمانڊ جي استدعا ڪئي وئي جنهن تي عدالت اعظم سواتي جو وڌيڪ 7 ڏينهن جو جسماني ريمانڊ منظور ڪري ورتو.اعظم سواتي تي دهشتگردي جي قلمن جي تحت ٽيڪسلا ٿاڻي ۾ داخل ڪيو ويو آهي. اعظم سواتي تي ڀڃ ڊاهه، باهيون ۽ سرڪاري ڪمن ۾ مداخلت جو الزام آهي.ياد رهي ته 2 ڏينهن اڳ اعظم سواتي کي عدالت مان آزاد ٿيندي ئي ٻيهر گرفتار ڪري ورتو هو. اڳوڻي وفاقي وزير اعظم سواتي کي اٽڪ جيل مان آزاد ٿيندي ئي پوليس کيس ٻيهر گرفتار ڪري ورتو هو.
