ڪراچي: اڱاري ڏينهن پاڪستان اسٽاڪ ايڪسچينج ۾ ڪاروبار جي شروعات ۾ نوان رڪارڊ ٽوڙي ڇڏيا.پاڪستان اسٽاڪ ايڪسچينج ۾ ڪاروباري هفتي جي ٻئي ڏينهن کان وٺي اسٽاڪ ايڪسچينج ۾ زبردست عروج ڏٺو ويو آهي.100 انڊيڪس ڪاروباري ڏينهن جي شروعات تي 513 پوائنٽس جي حاصلات کانپوءِ پهريون ڀيرو 85,423 پوائنٽس جي ڪل وقت جي بلند ترين سطح کي پار ڪيو.ٽريڊنگ دوران 100 انڊيڪس 633 پوائنٽس وڌيو ۽ انڊيڪس 85 هزار 543 جي نئين سطح عبور ڪري ويو.اسٽاڪ ايڪسچينج جو 100 انڊيڪس هن وقت 124 پوائنٽس جي واڌ سان 85 هزار 34 پوائنٽس جي سطح تي واپار ڪري رهيو آهي.ڪالهه انڊيڪس انڊيڪس پنهنجي پهرين انٽرا ڊي هاءِ 85,047 تي پهچي ويو ۽ پاڪستان اسٽاڪ ايڪسچينج 100 انڊيڪس 1,378 پوائنٽن جي واڌ سان 84,910 تي بند ٿيو.معاشي تجزيه نگارن جو چوڻ آهي ته مارڪيٽ جو رجحان مثبت آهي، آءِ ايم ايف معاهدي جي پهرين قسط به ملي وئي آهي، جڏهن ته هاڻي پاڪستان کي هڪ سال لاءِ 3.2 ارب ڊالرن جي پرڏيهي قرضن جي حوالي سان واعدو ملي ويو آهي، جنهن ۾ سعودي تيل جي فراهمي به شامل آهي جنهن لاءِ مارڪيٽ جو رجحان ڪافي مثبت آهي.
