رحيم يار خان رحيم: رحيم يار خان جي ڪچي واري علائقي ۾ پوليس جي 2 گاڏين تي ڌاڙيلن جي حملي ۾ شهيد اهلڪارن جو انگ وڌي 14 ٿي ويو، 8 پوليس اهلڪار زخمي ٿي پيا.
شهيد ٿيل اهلڪارن ۾ محمد عمران، محمد ساجد، راجا ڪنول، محمد منير، اجي رام، بيرم رام، محمد احمد، عبدالله، انس، ستار، احمد نواز ۽ راشد شامل آهن
زخمي اهلڪارن ۾ وسيم، بلاول، نبيل، شهزاد، محمد ايوب، فاروق ۽ ابرار شامل، احمد فراز نالي هڪ اهلڪار حملي کانپوءِ گم ٿيل آهي.
پوليس ذريعن موجب رات ڪچي اندر ڊيوٽي تي موجود 22 اهلڪار ٻن موبائيلن ۾ سوار ٿي موڪلن تي وڃي رهيا هئا ته سندن هڪ گاڏي برساتي پاڻي ۾ ڦاسي پئي.
ڌاڙيلن اوچتو راڪيٽ لانچرز ۽ ٻين هٿيارن سان مٿن حملو ڪري ڏنو، زخمي اهلڪارن کي رحيم يار خان جي اسپتالن ڏانهن منتقل ڪيو ويو، پوليس ذريعن موجب پنجاب پوليس تي حملو شر گينگ ۽ ڪوش گينگ جي ڌاڙيلن ڪيو.
ٻئي پاسي پنجاب پوليس پاران 12 اهلڪارن جي شهادت بعد ڪچي ۾ وڏو آپريشن شروع، ڌاڙيل بشير شر کي مارڻ جي دعويٰ ڪئي وئي.
3 ڌاڙيلن جي زخمي ٿيڻ جا به اطلاع، ماڇڪو ٿاڻي جي حد واري ڪچي ۾ پوليس اٽالا ۽ ايليٽ فورس جا ڪمانڊوز پهچي ويا، ڌاڙيلن خلاف آپريشن لاءِ سنڌ پوليس کان به مدد ورتي پئي وڃي.