ممبئي: بالي ووڊ جي سينيئر اداڪارا روينا ٽنڊن ماضيءَ ۾ شاهه رخ خان سان گڏ فلم ۾ ڪم ڪرڻ جي آڇ کي رد ڪرڻ جو انڪشاف ڪيو آهي.
تازي انٽرويو دوران روينا ٻڌايو آهي ته هڪ فلم دوران خراب ڪپڙن تي بحث کان پوءِ هن فلم ۾ ڪم ڪرڻ کان انڪار ڪري ڇڏيو جڏهن ته هن فلم جو نالو ۽ تفصيل ٻڌائڻ کان انڪار ڪري ڇڏيو.
اداڪارا چيو ته ان فلم ۾ شاهه رخ خان هيرو هو ۽ مون فلم سائن به ڪري ڇڏي هئي پر بعد ۾ ڪپڙا ڏسي بحث ڪيو، ڪپڙا واقعي عجيب هيا. اهڙي قسم جا ڪپڙا پائي هوءَ مطمئن محسوس نه پئي ڪري سگهي جنهن تي اعتراض ڪرڻ کانپوءِ هن معزرت ڪري ڇڏي.
روينه شاهه رخ جي تعريف ڪندي چيو ته هو سڀ کان وڌيڪ حاضر دماغ، خوش اخلاق ۽ نرم مزاج اداڪارن منجهان آهي جنهن سان گڏ هن فلمن ۾ ڪم ڪيو آهي.
