ڪراچي: سنڌ سميت سموري ملڪ ۾ هلندڙ هفتي وڌيڪ برساتن جي اڳڪٿي ڪئي وئي آهي.
موسميات کاتي موجب، 16 جولاءِ کان عربي سمنڊ وٽان چوماسي برساتن جو نئون سسٽم ملڪ جي مختلف علائقن ۾ داخل ٿيندو، سنڌ جي مختلف علائقن ۾ 18 کان 19 جولاءِ دوران آنڌاري ۽ گجگوڙ کنوڻ سان برسات جو امڪان آهي.
موسميات کاتي جو چوڻ آهي ته اسلام آباد جي مختلف علائقن ۾ 17 کان 20 جولاءِ تائين تيز هوائون ۽ گجوڙ کنوڻ سان برسات جو امڪان آهي.
ڪي پي جي مختلف علائقن ۾ 16 کان 21 جولاءِ دوران تيز هوائن ۽ گجوڙ کنوڻ سان برسات جو امڪان آهي، بلوچستان جي مختلف علائقن ۾ 17 کان 19 جولاءِ دوران آنڌاري سان گڏ برسات ٿي سگهي ٿي.
موسميات کاتي طرفان گلگت بلتستان ۾ 17 کان 21 جولاءِ دوران موسم جهڙالي رهڻ ۽ وقفي وقفي سان برسات جو امڪان ظاهر ڪيو ويو آهي جڏهن ته ڪشمير ۾ 16 کان 21 جولاءِ تائين گجگوڙ ۽ کنوڻ سان برسات جو امڪان آهي.