اسلام آباد: صدر مملڪت ڊاڪٽر عارف علوي چيو آهي ته ميڊيا قومي تشخص ۽ سماجي قدرن جي واڌ ويجهه ۾ ضروري ڪردار ادا ڪري جڏهن ته صحت، تعليم، عورتن جي وراثتي حقن جهڙن مسئلن تي شعور اجاڳر ڪرڻ تي به وڌيڪ ڌيان ڏيڻ گهرجي.سڌ سماءَ جي وفاقي وزير شبلي فراز ۽ خاص مددگار عاصم سليم باجوه سان ملاقات دوران ڳالهائيندي صدر ڊاڪٽر عارف علوي چيو آهي ته سوشل ميڊيا به موجوده دور ۾ تبديلي جو اهم عنصر آهي، قومي جذبي ۽ هم آهنگي کي وسيع ڪرڻ لاءِ سوشل ميڊيا جو مثبت ڪردار وقت جي اهم ضرورت آهي.
