ڪراچي: سنڌ جي وڏي وزير سيد مراد علي شاهه ايران جي صدر ابراهيم رئيسي سان ملاقات ڪئي، جنهن ۾ پاڪستان _ ايران اقتصادي موقعن تي تفصيلي گفتگو ڪئي وئي.
مراد علي شاهه ۽ ابراهيم رئيسي جي ملاقات دوران صوبائي وزير شرجيل ميمڻ، ناصر شاهه، سردار شاهه، سعيد غني، ڄام خان شورو ۽ ٻيا به موجود هئا
وڏي وزير جي ترجمان طرفان جاري ڪيل بيان ۾ چيو ويو ته ملاقات ۾ سيڙپڪاري جي معاملن تي خيالن جي ڏي وٺ ڪئي وئي، پاڪستان _ ايران اقتصادي موقعن تي به تفصيلي گفتگو ڪئي وئي.
ان کان اڳ ايراني صدر ڪراچي پهتو ته گورنر ڪامران ٽيسوري، وڏي وزير مراد علي شاهه ۽ ٻين سندس آجيان ڪئي.
ڪامران ٽيسوري ايراني صدر کي ڊاڪٽريٽ جي اعزازي سند ڏني، ابراهيم رئيسي بهترين مهمان نوازي تي ٿورا مڃيا.