ڪوٽڙي: سنڌ کي پنهنجي حصي جو پاڻي ناهي ملي رهيو ۽ سنڌو درياهه ۾ ڪوٽڙي ڊائون اسٽريم کان هيٺ پاڻي ناهي ڇڏيو ويو، ان جي ڪري درياهه جو پاڻي زهريلو ٿي ويو آهي.
زهريلو واپرائڻ جي صورت ۾ وڏي انساني الميي جو خدشو پيدا ٿي ويو آهي.
حيدرآباد، ٽنڊو محمد خان، بدين، ٺٽي ۽ سجاول سميت لاڙ جي ٻين شهرن ۾ آبادي خطري ۾ آهي.
لاڙ جي زمين تي جر به خراب آهي جنهن کي پيئڻ جي لائق ناهي سمجهيو ويندو.
هن وقت ڪوٽڙي ڊائون اسٽريم ۾ واري اڏامي رهي آهي.
گڊو بئراج تي پاڻيءَ جو مٿانهون وهڪرو 32 هزار 126 ۽ هيٺانهون وهڪرو 27 هزار 964 ڪيوسڪ رڪارڊ ڪيو ويو.
سکر بئراج تي مٿانهون وهڪرو 26 هزار 980 جڏهن ته هيٺانهون وهڪرو 6 هزار 200 ڪيوسڪ آهي.
ڪوٽڙي بئراج تي هيٺانهون وهڪرو ٺپ بند آهي جڏهن ته مٿانهون وهڪرو 3 هزار 605 ڪيوسڪ آهي