وزيراعظم شهباز شريف اڄ چيف جسٽس آف پاڪستان قاضي فائز عيسيٰ سان ملاقات ڪندو
ذريعن موجب قانون واري وزير نذير تارڙ به وزيراعظم سان گڏ هوندو ۽ اها ملاقات اڄ 2 وڳي سپريم ڪورٽ ۾ ٿيندي
ذريعن جو چوڻ آهي ته اٽارني جنرل چيف جسٽس آف پاڪستان سان ملاقات جي تفصيلن کان آگاهه ڪيو
واضح رهي ته اسلام آباد هاءِ ڪورٽ جي 6 ججن جي خط جي معاملي تي چيف جسٽس آف پاڪستان قاضي فائز عيسيٰ جي صدارت هيٺ سپريم ڪورٽ جو فل ڪورٽ اجلاس ٿيو
اجلاس ۾ اسلام آباد هاءِ ڪورٽ جي ججن جي خط تي غور ڪيو ويو ۽ ججن جي خط جي آئيني ۽ قانوني حيثيت جو جائزو ورتو ويو، جڏهن اجلاس اٽڪل اڍائي ڪلاڪ جاري رهيو