نوشهرا: نوشهرا ۾ جي ٽي روڊ تي اکوڙا خٽڪ ڀرسان پوليس موبائل تي شدت پسندن جي حملي ۾ 3 اهلڪار شهيد ٿي ويا.
ڊسٽرڪٽ پوليس آفيسر (ڊي پي او) عمر خان جو چوڻ آهي ته جي ٽي روڊ تي اکوڙا خٽڪ ڀرسان پوليس موبائل تي حملو ٿيو، حملي ۾ ٽي اهلڪار هيڊ ڪانسٽيبل منظور، ڪانسٽيبل امان الله ۽ ڊرائيور اياز خان شهيد ٿي ويا.
عمر خان جو چوڻ آهي ته پوليس جي وڏي نفري موقعي تي پهچي وئي ۽ سرچ آپريشن جاري آهي.
ڊي پي او جو چوڻ آهي ته پوليس اهلڪار معمول جي گشت تي هئا ته 2 شدت پسندن فائرنگ ڪئي.