ڪراچي: اسٽيٽ بينڪ پاڪستان جي آزادي جي 75هين سالگره جي موقعي تي 75 رپين جي ماليت جو هڪ يادگاري نوٽ جاري ڪيو آهي .
هي يادگار ڪرنسي نوٽ اڄ کان عوام لاءِ ايس بي پي بي ايس جي آفيسن ۽ڪمرشل بينڪن جي برانچن ۾ دستياب هوندو .
ان يادگاري نوٽ کي ايس بي پي ايڪٽ 1956 ع جي شق 25 هيٺ ليگل ٽينڊر جي حيثيت حاصل آهي ۽ ان کي پاڪستان ۾ ڪاروباري ڏيتي ليتي ۾ استعمال ڪري سگهجي ٿو .
هي اسٽيٽ بينڪ پاران جاري ڪيل ٻيو يادگاري نوٽ آهي . اسٽيٽ بينڪ 1997 7 ۾ ملڪ جي آزادي جي پنجاهه سال مڪمل ٿيڻ تي پهريون يادگاري نوٽ جاري ڪيو هو .
هن يادگاري ڪرنسي نوٽ کي پاڪستان جي قيام ۾ اهم ڪردار ادا ڪندڙ اڳواڻن کي خراج تحسين پيش ڪرڻ لاءِ جاري ڪيو ويو آهي .
بينڪ نوٽ جي سامهون واري پاسي تي قائداعظم محمد علي جناح ، علاما محمد اقبال ، محترما فاطما جناح ۽ سرسيد احمد خان جون تصويرون لڳل آهن جڏهن ته هن يادگاري نوٽ جو پويون پاسو ماحولياتي تبديلي ۽ پاڪستان تي ان جي اثرن سان اسان جي قومي وابستگي کي اجاگر ڪري ٿو .