راولپنڊي: آرمي چيف جنرل قمر جاويد باجوه سان آمريڪي سينيٽ ڪام جي ڪمانڊر جي وفد سان گڏ ملاقات ٿي آهي جنهن ۾ علائقائي سڪيورٽي صورتحال ، استحڪام ۽ دفاع بابت مختلف معاملن تي ڳالهه ٻول ڪئي وئي.
پاڪ فوج جي عام تعلقاتن واري شعبي (آءِ ايس پي آر ) موجب ملاقات ۾ سڪيورٽي سميت عسڪري سطح تي گڏيل سهڪار کي وڌائڻ تي به ڳالهه ٻولهه ڪئي وئي .
آءِ ايس پي آر موجب آمريڪي وفد دهشتگردي ٽوڙ ۽ علائقائي امن ۽ استحڪام تي پاڪ فوج جي ڪردار کي ساراهيو ، ان کان سواءِ ٻنهي ملڪن جي هٿياربند فوجن وچ ۾ تربيتي پروگرام واري معاملن تي به ڳالهيون ڪيون ويون.
آءِ ايس پي آر موجب آمريڪي عسڪري وفد آرمي ميوزيم جو دورو به ڪيو ۽ فوجي عجائب گهر ۾ تاريخي ورثي ۾ گهري دلچسپي ظاهر ڪئي .