مختلف ملڪن ۾ فيس بڪ، انسٽا ۽ ميسنجر جي سروس ڊائون

لنڊن: مختلف ملڪن ۾ سوشل ميڊيا پليٽ فارمز فيس بڪ، انسٽاگرام ۽ ميسنجرز جي سروس اڻچاڻايل طور تي ڊائون ٿي وئي آهي.برطانوي ميڊيا جي رپورٽن موجب ارجنٽينا، يوراگائي، چلي، برازيل ۽ بنگلاديش سميت ڪيترن ئي ملڪن جي صارفين کي فيس بڪ، انسٽا ۽ ميسنجر سروس ۾ پريشاني کي منهن ڏيڻو پئجي رهيو آهي. ويب بيٽا انفو طرفان به ٽوئٽ ذريعي تصديق ڪئي وئي آهي ته انهن کي ارجنٽينا ۽ يوراگائي کان فيس بڪ، انسٽاگرام ۽ ميسنجر سروس ڊائون ٿيڻ جون رپورٽون ملي رهيون آهن.ٻئي طرف ٽوئٽر تي به مختلف صارفين طرفان ٽوئٽ سامهون آيون آهن جنهن ۾ انهن جو چوڻ آهي ته انهن کي سوشل ميڊيا تي فوٽوز ۽ پوسٽ اپ لوڊ ڪرڻ ۾ پريشاني پيش اچي رهي آهي. برطانوي ميڊيا ٻڌايو آهي ته آمريڪا ۽ برطانيه جي صارفين کي به ٽنهي سوشل ميڊيا پليٽ فارمز تي وقفي وقفي سان پريشانين کي منهن ڏيڻو پئجي رهيو آهي.

جواب شامل کریں

آپ کا ای میل ایڈریس شائع نہیں کیا جائے گا۔