لاهور: گهرو وزير جِي حيثيت ۾ پهريون ڀيرو پريس ڪانفرنس ڪندي شيخ رشيد چيو ته اپوزيشن وارا ٻڌائين ته هُو عمران خان سان ڳالهيون نه ٿا ڪرڻ چاهين ته پوءِ ڪنهن سان ڳالهيون ڪندا. شيخ رشيد چيو ته نوازشريف کي ڏيهه واپس آڻڻ لاءِ قانوني رنڊڪون ختم ڪيون پيون وڃن، اها ئي اپوزيشن رهِي ته عمران خان ايندڙ چونڊون به کٽيندو، اُهي رڳو ملڪ جِي لٽيل دولت بچائڻ چاهين ٿا، ملڪي معيشت کي نقصان پهچائڻ جِي ڪوشش ناڪام بڻائي ويندي، پاڪستان کي پرڏيهه مان نه پر ملڪ اندران خطرو آهي.
