نيب، اين آءِ سي وي ڊي ۾ مبينا شڪي ۽ واڌو پگهار وٺندڙ ملازمن کي سوڙهو ڪرڻ جون تياريون ڪري ورتيون

ڪراچي : نيب، اين آءِ سي وي ڊي ۾ مبينا شڪي ۽ واڌو پگهار وٺندڙ ملازمن کي سوڙهو ڪرڻ جون تياريون ڪري ورتيون، اسپتال ۾ اهم عهدن تي مقرر ڊاڪٽرز ۽ آفيسرز کي طلبي نوٽيسز جاري ڪيا ويا، اين آءِ سي وي ڊي جي وڌيڪ ٽن ڊاڪٽرز نيب هٿان گرفتاري کان بچڻ لاءِ سنڌ هاءِ ڪورٽ سان رابطو ڪري ورتو، عدالت ڊاڪٽر محمد رضا، جبران ۽ رجيعه جِي 5-5 لک رُپين جَي مچلڪن عيوض ضمانت منظور ڪري ورتي، نيب کي 23 نومبر تي جواب جمع ڪرڻ لاءِ نوٽيسز جاري ڪيا ويا آهن.