ڪراچي: بلوچستان ۾ به برسات تباهي مچائي ڇڏي آهي، ندي نالن ۾ چاڙهه سبب اڪثر علائقن ۾ زميني رابطا ڪٽجي ويا آهن. بلوچستان جي شيراني ضلعي ۾ زوب ڊي آءِ خان روڊ لڙهي ويو، جنهن سبب ٽريفڪ معطل هئڻ جي ڪري رهواسين کي پريشانيون ڀوڳڻيون پئجي رهيون آهن. بولان ندي ۾ چاڙهه سبب گيس پائيپ لائين ٽٽي پئي، جنهن جي ڪري مچ سميت مختلف شهرن کي گيس فراهمي معطل ٿيل آهي. هوڏانهن موسميات کاتي اڳڪٿي ڪئي آهي ته سنڌ ۽ بلوچستان سميت اڪثر شهرن ۾ اڱاري تائين برسات جاري رهي سگهي ٿي.
