چين ۾ 2 سامونڊي جهاز ٽڪرائجي ويا، هڪ جهاز ٻڏي ويو، 14 ماڻهو گم

بيجنگ: چين ۾ تيل کڻي ويندڙ سامونڊي جهاز مال ڍوئيندڙ (ڪارگو) جهاز سان تڪارئجي ويو، حادثي جي نتيجي ۾ ڪيترائي ماڻهو زخمي ۽ 14 ڄڻا گم ٿي ويا.

چيني ميڊيا موجب حادثو شنگهائي جي ساحل ويجهو ٿيو جتي هڪ ڪارگوشپ سان تڪرائجڻ بعد تيل کڻي ويندڙ جهاز ۾ باهه لڳي وئي.

ٽڪراءُ ۾ ڪارگو جهاز کي به شديد نقصان پهتو ۽ اهو اتي ٻڏي ويو.

حادثو ٿيندي ئي ريسڪيو ٽيم موقعي تي پهچي وئي ۽ امدادي ڪاررواين ۾ 3 ڄڻن کي بچايو ويو جڏهن ته حادثي ۾ گم ٿيلن جي ڳولا جاري آهي.

عملدارن موجب تيل ڍوئيندڙ جهاز ۾ 3 هزار ٽن کان وڌيڪ تيل موجود هو ۽ هن جو چوڻ هو ته فوري طور تي حادثي جا سبب معلوم نه ٿي سگهيا آهن باقي ان حوالي سان مڪمل جاچ ڪئي ويندي.  

جواب شامل کریں

آپ کا ای میل ایڈریس شائع نہیں کیا جائے گا۔