مينز : ميڪسيڪو ۾ چونڊ ريلي دوران اسٽيج ڊهي پٽ ٿيڻ جي نتيجي ۾ 9 ڄڻا مارجي ويا ۽ 50 زخمي ٿي پيا. برطانوي ميڊيا موجب حادثو ان وقت پيش آيو جڏهن ميڪسيڪو جي صدارتي چونڊن ۾ حصو وٺندڙ اميدوار جارج الواريز مينز شهر سين پيڊرو گارزا ۾ پنهنجي مهم جي تقرير ڪري رهيو هو. رپورٽ موجب اوچتو تيز هوائن جي ڪري اسٽيج ڪري پيو، حادثي ۾ صدارتي اميدوار مينز محفوظ رهيو، پر اسٽيج ڪرپٽ ٿيڻ سبب سندس ڪيترائي ساٿي زخمي ٿي پيا. صدارتي اميدوار مينز پنهنجي سوشل ميڊيا پوسٽ ۾ چيو ته اسٽيج ڪراس ٿيڻ جي واقعي ۾ 3 عورتون، هڪ مرد ۽ هڪ ڇوڪري فوت ٿي وئي، جڏهن ته ميڊيا رپورٽن ۾ 9 ڄڻن جي فوت ٿيڻ جي تصديق ڪئي وئي آهي. هن چيو ته مون پنهنجي زندگي ۾ ڪڏهن به اهڙو اوچتو محسوس نه ڪيو آهي، اميد آهي ته انتظاميه جاچ ڪندي ته اهو واقعو ڇو پيش آيو.
