راولپنڊي: 30 ڊسمبر کان اڳ نواز ليگ مان شين ليگ ٺهندي ۽ اپوزيشن جي حالت خراب ٿي ويندي، وفاقي وزير شيخ رشيد چيو آهي ته نواز ليگ ۽ پيپلز پارٽي جي حالت خراب ٿيڻ بعد رڳو مولانا فضل الرحمان جلسا ڪندو، اپوزيشن اهڙو ڪوبه ڪم نه ڪندي، جيڪو ملڪي سياست تي حاوي ٿئي يا عمران خان جي حڪومت کي نقصان پهچي، نه ڌرڻو لڳندو ۽ نه ئي استعيفائون اينديون، اپوزيشن جو پاڻ ۾ به اتفاق نه آهي، آئون سياسي طور اڄ ئي اعلان ڪريان ٿو ته اي پي سي جو ڪوبه نتيجو نه نڪرندو.
