بلوچستان ۾ به سمارٽ لاڪ ڊائون ۾ 15 جولاءِ تائين واڌ

ڪوئيٽا :بلوچستان حڪومت به ڪورونا وائرس سبب صوبي ۾ جاري سمارٽ لاڪ ڊائون ۾ 15 ڏينهن جي واڌ ڪري ڇڏي. بلوچستان جي گهرو کاتي طرفان جاري ڪيل نوٽيفڪيشن موجب صوبي ۾ سمورن شاپنگ مالز، مارڪيٽن، دڪانن، گودامن، آٽو ريپيئر شاپس ۽ هيئر ڪٽنگ سيلونز کي ڇنڇر کان خميس تائين تائين صبح 9 وڳي کان شام 7 وڳي تائين کولڻ جي اجازت برقرار رهندي، جڏهن ته جمعي ڏينهن سمورا ڪاروبار بند رهندا.پڌرائيءَ موجب تندور، ڊيري پراڊڪٽس شاپس، ميڊيڪل اسٽورز، بلڊ بئنڪ ۽ ٽيلر شاپس کي 24 ڪلاڪ کليل رکڻ جي اجازت هوندي، جڏهن ته ريسٽورنٽس ۽ هوٽلز کي رڳو هوم ڊليوري ۽ ٽيڪ اوي سروس لاءِ 24 ڪلاڪ کليل رکڻ جي اجازت هوندي.

نوٽيفڪيشن ۾ چيو ويو آهي ته صوبي ۾ تعليمي ادارا 15 جولاءِ تائين بند رهندا، جڏهن ته سئنيمائون، فارم هائوسز، شادي هال ۽ پڪنگ پوائنٽس به جيئن جو تيئن بند رهنديون.

پڌرائيءَ موجب صوبي ۾ 10 يا ان کان وڌيڪ ماڻهن جي گڏجڻ، ڌرڻي، ريلي، جلوسن، ٻيلهه سواري، سماجي، سياسي، مذهبي ميڙاڪن تي به پابندي برقرار رهندي.

جواب شامل کریں

آپ کا ای میل ایڈریس شائع نہیں کیا جائے گا۔