واٽس ايپ ۾ هڪ نئون فيچر شامل ڪيو پيو وڃي، جنهن ذريعي واهپيدار پنهنجي اسٽيٽس ۾ ميوزڪ ڪلپس به شامل ڪري سگهن ٿا.
رپورٽن موجب، نئين فيچر تحت واٽس ايپ واهپيدار هاڻي پنهنجي اسٽيٽس سان گڏ ميوزڪ شامل ڪري سگهندا.
ڪمپني موجب، دنيا جي مختلف ملڪن ۾ اِهو فيچر کي متعارف ڪرائڻ جو سلسلو جاري آهي ۽ ايندڙ هفتن ۾ اهو سڀني واهپيدارن کي دستياب هوندو.
واٽس ايپ واهپيدار جڏهن اسٽيٽس اپڊيٽ ڪندا ته اسڪرين جي مٿئين حصي ۾ ميوزڪ نوٽ/آئيڪن نظر ايندو، جيڪو واهپيدارن کي ميوزڪ شامل ڪرڻ جي سهولت ڏيندو.
تصوير تي ٻڌل اسٽيٽس لاءِ 15 سيڪنڊ ۽ وڊيو اسٽيٽس لاءِ 60 سيڪنڊ جو ميوزڪ/گيت شامل ڪري سگهبو.
ڪمپني جو چوڻ آهي ته واٽس ايپ جي ميوزڪ لائيبريري ۾ لکين ميوزڪ ٽريڪ موجود آهن، جتان واهپيدار پنهنجي مرضي موجب گيت چونڊي، ان جو مخصوص حصو اسٽيٽس سائونڊ طور شامل ڪري سگهن ٿا
