اسلام آباد : حڪومت بجلي بلن ۾ عوام کي رليف ڏيڻ جي تياري ڪري ورتي، بجلي جي اگهه ۾ لاٿ اپريل کان جون 2025 لاءِ ڪرڻ جي تجويز ڏني وئي آهي.
وفاقي حڪومت سڄي ملڪ ۾ بجلي سستي ڪرڻ لاءِ نيپرا ۾ درخواست جمع ڪرائي ڇڏي.
وفاقي حڪومت طرفان بجلي جي قيمت هڪ رپيو 71 پيسا في يونٽ گهٽ ڪرڻ لاءِ درخواست جمع ڪرائي وئي آهي.
ڪراچي سميت سڄي ملڪ لاءِ بجلي سستي ڪرڻ جي درخواست ڪئي وئي آهي، عوام کي اهو رليف ٽيرف سبسڊي ذريعي ڏنو ويندو.
نيپرا اٿارٽي 4 اپريل تي حڪومتي درخواست تي ٻڌڻي ڪندي.
