لاهور: ڀارت کان 84 هندو ياتري سوامي شادا رام جي يوم پيدائش جي تقريبن ۾ شرڪت جي لاءِ واهگا بارڊر جي رستي پاڪستان پهچي ويا.
لاهور پهچندڙ هندو ياتري ميرپورماٿيلو يوگ ماتا مندر، عاقل پور، سادهو ٻيلو مندر، سکر ۽ ٻين مذهبي هنڌن جو به دورو ڪندا. انهي کان علاوه ياتري شاداني دربار حيات پتافي، گهوٽڪي ۽ ٻين مقدس هنڌن جي زيارت به ڪندا.
واهگا بارڊر تي ايڊيشنل سيڪريٽري مزارات ۽ ٻين آفيسرن هندو ياترين جو استقبال ڪيو. ايڊيشنل سيڪريٽري سيف الله چيو ته ياترين جي لاءِ فول پروف سيڪيورٽي جا انتظام ڪيا ويا آهن.
واهگا بارڊر تي صحافين سان ڳالهيون ڪندي هندو ياترين چيو ته پاڪستان ۾ اسان جي لاءِ ڪيل سيڪيورٽي جا انتظام تعريف جوڳا آهن. هندو ياتري 15 جنوري تي پنهنجو دورو مڪمل ڪري واپس ڀارت روانو ٿي ويندا