ملتان : ملتان ٽيسٽ ۾ انگلينڊ پاڪستان کي اننگز ۽ 47 رنسن تان شڪست ڏئي ڇڏي.ملتان جي انٽرنيشنل ڪرڪيٽ اسٽيڊيم ۾ کيڏيل ميچ ۾ پاڪستان پنهنجي ٻي نامڪمل اننگز 152 رنسن تي 6 وڪيٽن جي نقصان تي شروع ڪئي، سلمان علي آغا 41 ۽ عامر جمال 27 رنسن سان وڪيٽ تي موجود هئا.پاڪستان جي پوري ٽيم ٻي اننگز ۾ 220 رنسون ٺاهي آئوٽ ٿي وئي، سلمان آغا 63 رنسون، سعود شڪيل 29 رنسون ٺاهيون، صائم ايوب 25 رنسون ٺاهي آئوٽ ٿي ويو.ان کان علاوه ڪپتان شان مسعود 11، محمد رضوان 10 ۽ بابر اعظم 5 رنسون ٺاهي آئوٽ ٿي ويا، اوپنر عبدالله شفيق بنا ڪنهن رنسون ٺاهي پويلين موٽي ويو. آل رائونڊر عامر جمال 55 رنسون ٺاهي ناٽ آئوٽ رهيو، جڏهن ته بخار ۾ مبتلا ابرار احمد بيٽنگ تي نه آيو.ڪالهه پاڪستان ٻي اننگز ۾ انتهائي مايوس ڪندڙ ڪارڪردگي ڏيکاري ۽ 6 رانديگر رڳو 82 رنسن تي پويلين موٽي ويا.پاڪستان پهرين اننگز ۾ شان مسعود، عبدالله شفيق ۽ سلمان علي آغا جي سينچرين جي مدد سان 556 رنسون ٺاهيون، جواب ۾ انگلينڊ پهرين اننگز ۾ هيري برڪ جي ٽريپل سينچري ۽ جو روٽ جي ڊبل سينچري جي بدولت 7 رانديگرن جي نقصان تي 823 رنسون ٺاهيون. پر اهو اعلان ڪيو ويو.
