ملتان : پاڪستان ۽ انگلينڊ وچ ۾ ٽيسٽ سيريز لاءِ ميچ آفيشلز جو اعلان ڪيو ويو آهي.ويسٽ انڊيز جو سر رچي رچرڊسن سيريز ۾ آءِ سي سي ميچ ريفري هوندو، سريلنڪا جو ڪمار ڌرماسنا ۽ بنگلاديش جو شرف الدولا سيڪات پهرين ٽيسٽ ميچ ۾ آن فيلڊ امپائر هوندا.ٻئين ٽيسٽ ميچ جا آن فيلڊ امپائر نيوزيلينڊ جو ڪرسٽوفر گفني ۽ سريلنڪا جو ڪمار ڌرماسنا هوندو.ٽئين ٽيسٽ ۾ ڪرسٽوفر گفني ۽ شرف الدوله سيڪات آن فيلڊ امپائر هوندا.واضح رهي ته پاڪستان ۽ انگلينڊ وچ ۾ پهرين ٽيسٽ ميچ 7 آڪٽوبر کان ملتان ڪرڪيٽ اسٽيڊيم ۾ کيڏي ويندي.ٻي ٽيسٽ 15 آڪٽوبر کان ملتان ۾ کيڏي ويندي، جڏهن ته ٽيون ۽ آخري ٽيسٽ 24 آڪٽوبر کان راولپنڊي ۾ کيڏيو ويندو.
