هنوئي: ويٽنام فٽبال ليگ سيزن ٻيهر شروع ٿيڻ تي اسٽيڊيم جا دروازا شوقينن لاءِ کولي ڇڏيا آهن. گذريل ڏينهن ٽاپ ايونٽ جي ٻيهر شروعات تي سوين تماشائي اسٽيڊيم ۾ داخل ٿيا.
ان موقعي تي سوشل ڊسننس جو ڪنهن به قسم جو خيال نه رکيو ويو جنهن سبب ملڪ ۾ ڪورونا وائرس جي پکيڙ ۾ اضافي جو امڪان ظاهر ڪيو پيو وڃي.
ياد رهي ته ويٽنام ۾ پروفيشنل فٽبال به مارچ ۾ معطل ٿي وئي هئي ملڪ ۾ هن وبا سبب ڪنهن جي فوتگي واقع نه ٿي آهي ۽ صرف 328 ڪيس سامهون اچڻ سبب راندين جون سرگرميون ٻيهر شروع ڪيون ويون آهن.