دنيا ۾ڪورونا وگهي وڌيڪ 2 هزار 889 ماڻهو فوت

ڪراچي : سڄي دنيا ۾ڪورونا وائرس وگهي وڌيڪ 2 هزار 889 ماڻهو فوت ٿي ويا، جڏهن ته 97 هزار کان وڌيڪ نوان ڪيس رپورٽ ٿيا آهن. سموري دنيا ۾ڪورونا وائرس وگهي فوتگين جو انگ 3 لک 73 هزار 395 ٿي ويو آهي، جڏهن ته متاثرن جو مجموعي تعداد 62 لک 47 هزار کان به وڌيڪ آهي. آمريڪا ۾ڪورونا وائرس وڌيڪ 614 ماڻهو فوت ٿي ويا، جنهن بعد فوتگين جو انگ هڪ لک 6 هزار کان وڌي ويو آهي، جڏهن ته متاثرن جو مجموعي تعداد 18 لک 36 هزار کان وڌيڪ آهي. اٽلي ۾ڪورونا وائرس وڌيڪ 75 ماڻهن کان حياتيون کسي ورتيون، جنهن بعد فوتين جو انگ 33 هزار 415 ٿي ويو آهي، جڏهن ته 2 لک 32 هزار کان وڌيڪ ماڻهو بيماري ۾ورتل آهن. ڪورونا وائرس وگهي روس ۾وڌيڪ 138 ماڻهو فوت ٿي ويا، جنهن بعد فوتين جو انگ 4 هزار 693 ٿي ويو آهي، جڏهن ته 4 لک 5 هزار کان وڌيڪ ماڻهو وائرس جو شڪار آهن. ڪورونا وائرس فرانس ۾31، برازيل ۾267، ڀارت ۾223، ڪئنيڊا ۾221 ۽ ميڪسيڪو ۾364 ماڻهن کان حاتيون کسي ورتيون آهن. سموري دنيا ۾ڪورونا مريضن جي فوتگين بعد فوتين جو انگ 3 لک 73 هزار کان وڌي ويو آهي، جڏهن ته 27 لک 82 هزار کان وڌيڪ ماڻهو وائرس کي شڪست ڏئي صحتياب ٿي ويا آهن.

جواب شامل کریں

آپ کا ای میل ایڈریس شائع نہیں کیا جائے گا۔