اسلام آباد : پاڪستان ٽيلي ڪميونيڪيشن اٿارٽي (پي ٽي اي) سوشل ميڊيا کي ڪنٽرول ڪرڻ لاءِ فائر وال لڳائڻ جو فيصلو ڪيو آهي.خبر موجب پي ٽي اي انٽرنيٽ سروس فراهم ڪندڙن سان فائر والز لڳائڻ لاءِ ڳالهيون شروع ڪري ڇڏيون آهن.ذريعن جو چوڻ آهي ته فائر وال ۾ خاص فيچر ڊيپ پيڪٽ انسپيڪشن جي صلاحيت هوندي، ڊيپ پيڪٽ انسپيڪشن ڊيٽا جي ليئر 7 تائين ڏسي سگهندو، ڊيپ پيڪٽ انسپيڪشن سوشل ميڊيا ڊيٽا کي فلٽر ڪرڻ جي قابل هوندو.ذريعن موجب فائر وال ايپليڪيشن ليول بدران آءِ پي ليول تي ڊيٽا بلاڪ ڪري سگهندو، فائر وال سوشل ميڊيا تي پروپيگنڊا پوائنٽس جي نشاندهي ڪري سگهندو، فائر وال وٽ آئي ڊيز کي بلاڪ ڪرڻ جي صلاحيت هوندي، جنهن تي حڪومت جي مدد ڪئي ويندي. فائر وال کي انسٽال ڪرڻ جي قيمت ادا ڪندي،۽ باقي قيمت انٽرنيٽ سروس فراهم ڪندڙ ادا ڪندي.ذريعن جو چوڻ آهي ته انٽرنيٽ سروس فراهم ڪندڙ غير قانوني مواد روڪڻ جا پابند آهن، ڪمپنيون پابند آهن ته اهي غير قانوني مواد جي روڪٿام لاءِ لائسنس جي شق موجب قدم کڻن، فائر وال لڳائڻ پي ٽي اي جو اختيار آهي.
