سڄي دنيا ۾ ڪورونا وائرس سبب 5 هزار 116 ماڻهو فوت

ڪراچي: سڄي دنيا ۾ ڪورونا وائرس وگهي وڌيڪ 5 هزار 116 ماڻهو فوت ٿي ويا، جڏهن ته هڪ لک کان وڌيڪ نوان ڪيس رپورٽ ٿيا آهن. سموري دنيا ۾ڪورونا وائرس وگهي فوتگين جو انگ 3 لک 56 هزار 770 ٿي ويو آهي، جڏهن ته متاثرن جو مجموعي تعداد 57 لک 79 هزار کان به وڌيڪ آهي. آمريڪا ۾ڪورونا وائرس وڌيڪ 1475 ماڻهن کان حياتيون کسي ورتيون، جنهن بعد فوتگين جو انگ هڪ لک 2 هزار کان وڌي ويو آهي، جڏهن ته متاثرن جو تعداد 17 لک 44 هزار کان وڌيڪ آهي. ڪورونا وائرس وگهي اسپين ۾وڌيڪ هڪ ماڻهو فوت ٿي ويو، جنهن بعد فوتين جو انگ 27 هزار 118 ٿي ويو آهي، جڏهن ته 2 لک 83 هزار کان وڌيڪ ماڻهو وائرس جو شڪار آهن. اٽلي ۾ڪورونا وڌيڪ 117 ماڻهن کي موت جي ننڊ سمهاري ڇڏيو، جنهن بعد حياتيون وڃائيندڙن جو انگ 33 هزار 72 ٿي ويو آهي، جڏهن ته 2 لک 31 هزار کان وڌيڪ ماڻهو بيماري ۾ورتل آهن. ڪورونا وائرس فرانس ۾66، برازيل ۾هڪ هزار 49، ڀارت ۾190، ڪئنيڊا ۾126 ۽ ميڪسيڪو ۾501 ماڻهن کان حاتيون کسي ورتيون آهن. سموري دنيا ۾ڪورونا مريضن جي فوتگين بعد فوتين جو انگ 3 لک 56 هزار کان وڌي ويو آهي، جڏهن ته 24 لک 90 هزار ماڻهو وائرس کي شڪست ڏئي صحتياب ٿي ويا آهن.

جواب شامل کریں

آپ کا ای میل ایڈریس شائع نہیں کیا جائے گا۔