نگران وزيراعظم انوار الحق ڪاڪڙ جي صدارت هيٺ بجليءَ جي ڳرن بلن بابت اڄ ٻيهر اجلاس ٿيندو
گذريل ڏينهن وزيراعظم پاران ڪوٺايل هنگامي اجلاس ۾ عوام کي فوري رليف ڏيڻ بابت ڪو به فيصلو نه ٿي سگهيو هو
اڄوڪي اجلاس ۾ جولاءِ جي ڳرن بلن بابت صوبن جي وڏن وزيرن سان تفصيلي مشاورت ڪئي ويندي
نگران وزيراعظم بجليءَ جي اگهن ۾ گهٽتائي بابت ٺوس قدمن لاءِ 48 ڪلاڪن اندر تجويزون طلب ڪيون آهن
گذريل ڏينهن نگران وزيراعظم چيو هو ته ائين نه ٿو ٿي سگهي ته عام ماڻهو مشڪل ۾ هجي ۽ آفيسر شاهي ۽ وزيراعظم هنن جي ٽيڪس تي مفت بجلي استعمال ڪن
اجلاس ۾ چيو ويو ته نگران حڪومت اٻهرائپ ۾ اهڙو ڪو به قدم نه ٿي کڻڻ چاهي جنهن سان ملڪ کي نقصان پهچي