لاهور : وزيراعظم عمران خان پنجاب ۽ خيبرپختونخواهه ۾ مڪاني ادارن جي چونڊن لاءِ 21 رڪني سپريم ڪميٽي قائم ڪري ڇڏي آهي
ان سلسلي ۾ ذريعن جو چوڻ آھي تھ سپريم ڪورٽ جو پهريون اجلاس اڄ اسلام آباد ۾ طلب ڪيو ويو آهي، جنهن جي صدارت وزيراعظم عمران خان ڪندو، اجلاس ۾ حماد اظهر، شفقت محمود، ڪي پي جو وڏو وزير محمود خان، اسد قيصر، پرويز خٽڪ ۽ مراد سعيد به شرڪت ڪندا
ذريعن جو چوڻ آهي ته اجلاس ۾ ڪي پي ڪي جي مڪاني چونڊن جي ٻئي مرحلي بابت سياسي حڪمت عملي جو فيصلو ڪيو ويندو ۽ پنجاب ۾ مڪاني چونڊن جي جنگ بابت به اهم فيصلن جو امڪان آھي
ذريعن موجب پي ٽي آءِ ايندڙ بلدياتي چونڊن لاءِ وقت کان اڳ صف بندي ڪندي، پهرين مرحلي ۾ لاهور، گوجرانوالا، فيصل آباد، ملتان ۽ ڊي جي خان سميت پنجاب جي ڊويزنل هيڊڪوارٽرز تي ميٽروپوليٽن جي اميدوارن جو جائزو ورتو ويندو. ساهيوال، بهاولپور، سرگوڌا ۽ راولپنڊي جي ميئر جي اميدوارن جو جائزو ورتو ويندو