اسٽاڪ هوم : هلندڙ سال ادب جو نوبل انعام آفريقي ملڪ تنزانيا جي ناول نگار عبدالرزاق گرناهه جي نالي رهيو.
نوبل انعام جي ڪميٽي موجب سال 2021 لاءِ ادب جو نوبل انعام تنزانيا جي ناول نگار عبدالرزاق گرناهه کي نئين آبادياتي اثرن ۽ پناهگيرن جي مسئلن تي قلم کڻڻ تي ڏنو ويو آهي.
پرڏيهي ميڊيا موجب عبدالرزاق گرناهه آفريقا سميت سڄي دنيا ۾ نئين آبادياتي نظام جي اثرن ۽ پناهگيرن جي مسئلن تي پنهنجي ادبي تخليقن جو حصو بڻائيندو رهيو آهي، ان سان گڏوگڏ هن پنهنجي ملڪ جي سماجي حالت ۽ لڏپلاڻ جي تڪليفن جون ڪهاڻيون لکيون.
