ٽي ايل پي احتجاج: گهرو وزارت سخت ڪارروائي جو فيصلو ڪري ورتو

اسلام آباد: وفاقي حڪومت تحريڪ لبيڪ جي احتجاج جي حوالي سان شرپسند عناصر ۽ امن ۾ رنڊڪ وجهندڙ ماڻهن کي سختي سان منهن ڏيڻ جو فيصلو ڪري ورتو. گهرو وزارت ۾ تحريڪ لبيڪ جي ملڪ گير احتجاج جي حوالي سان اهم اجلاس ٿيو جنهن ۾ گهرو وزير شيخ رشيد، مذهبي معاملن وارو وزير نورالحق قادري ۽ قانون لاڳو ڪندڙ ادارن جي اختيارين شرڪت ڪئي.

آءِ جي پنجاب به وڊيو لنڪ جي ذريعي شرڪت ڪئي ۽ امن امان جي صورتحال تي ڳالهيون ڪيون. حڪومت فيصلو ڪيو آهي ته امن امان جي صورتحال ڪنهن به صورت ۾ خراب نه ڪئي وڃي قانون هٿ ۾ کڻندڙ ۽ شرپسندن جي خلاف سخت ڪارروائي ڪئي ويندي. گهرو وزارت اسلام آباد جي حساس علائقن ۾ انٽرنيٽ سروس معطل ڪرڻ جا حڪم جاري ڪري ڇڏيا آهن. ترامزي، فيض آباد، ٽي چوڪ، روايت، ايڪسپريس وي، اڻهال چوڪ، باره ڪهو ۾ انٽرنيٽ سروس 24 ڪلاڪن جي لاءِ معطل رهندي.

ٻئي طرف لاهور ۾ به قانون واري وزير راجه بشارت جي سربراهي ۾ اجلاس ٿيو جنهن ۾ لاهور جي 16 اهم هنڌن تي پوليس سان گڏوگڏ رينجرز به مقرر ڪرڻ جي منظوري ڏني وئي آهي. اجلاس ۾ فيصلو ڪيو ويو ته حالتون وڌيڪ خراب ٿيڻ تي پاڪ فوج جون خدمتون وٺي سگهجن ٿيون.  رستا کولرايا ويندا گهڻو برداشت ڪيو هاڻ رستا بند  ٿيڻ نه ڏينداسين.

جواب شامل کریں

آپ کا ای میل ایڈریس شائع نہیں کیا جائے گا۔