ڪراچي: دهشتگردي ٽوڙ عدالت پاران ايم ڪيو ايم سينٽر نائن زيرو تي آپريشن سان لاڳاپيل 52 ڪيسن جو فيصلو محفوظ ڪيو ويو آهي. عدالت چيو ته ڪيسن ۾ فيصلو 23 اپريل تي ٻڌايو ويندو. 11 مارچ 2015 تي رينجرز نائن زيرو تان 26 شڪي ماڻهن کي گرفتار ڪيو، جوابدارن تي ڌماڪيدار مادو ۽ غيرقانوني هٿيار رکڻ جو الزام آهي. گرفتار جوابدارن ۾ فيصل عرف موٽا ، عبيد ڪي ٽو ، امير سر ڦٽا، امير تيلي ۽ ٻيا جوابدار شامل آهن. پوليس موجب نائن زيرو تي آپريشن دوران 250 کان وڌيڪ مختلف قسم جا هٿيار هٿ ڪيا ويا هئا.
