حيدرآباد : وفاقي وزيرن ۽ مشيرن کي آئين جي خبر ئي نه آهي، سينيٽ اليڪشن بابت آئيني ترميم منظور ڪرائڻ لاءِ 2 ڀاڱي 3 اڪثريت گهربل هوندي آهي، وفاقي حڪومت آئيني ترميم جو بل پيش ڪرڻ بعد منظور ڪرائڻ لاءِ منٿون ڪري آهي، وڏي وزير مراد علي شاهه چيو آهي ته وفاقي حڪومت اين ايف سي ايوارڊ تحت سنڌ کي حصي جي رقم نه پيو ڏئي، صوبي جي حق لاءِ هر فورم تي آواز اٿاريو ويندو، حيدرآباد جي دوري دوران ميڊيا سان ڳالهائيندي وڏي وزير چيو ته حيدرآباد ۾ پي ڊي ايم جو تاريخي جلسو ٿيندو، جلسي جي تيارين جو جائزو پاڻ وٺي رهيو آهيان.
