اسلام آباد: چيف جسٽس اسلام آباد هاءِ ڪورٽ جسٽس اطهر من الله چيو آهي ته انصاف جي فراهمي ۾ سموريون رنڊڪون رياست جي طرفان اچن ٿيون جڏهن ته ان جو الزام عدالتن مٿان ايندو آهي. چيف جسٽس اسلام آباد هاءِ ڪورٽ جسٽس اطهر من الله شهرين کي انصاف جي فراهمي ۾ دير بابت درخواست تي ٻڌڻي ڪئي.
جسٽس اطهر من الله ڊپٽي اٽارني جنرل کان پڇاڻي دوران پنهنجي ريمارڪس ۾ چيو ته آئين ۾ لکيل آهي ته تڪڙو انصاف هر شهري کي ڏنو وڃي. عدالتون ڏسي وٺو اوهان ڪهڙي حال ۾ ٺاهي رکيون آهن ۽ شهرين کي اتي ڪيترا مسئلا پيش اچن ٿا. اوهان جيڪي رپورٽون جمع ڪرائيندا آهيو انهن سان ڪابه دلچسپي ناهي عملي طور تي ٻڌايو ته اوهان ڇا ڪيو؟ انصاف جي فراهمي ۾ سمورين رنڊڪون رياست جي طرفان کان هونديون آهن ۽ الزام واري عدالتن مٿان ايندو آهي.
10 ڏينهن جو وقت آهي. اسان کي ڪو عملي حل ٻڌايو ٻئي صورت ۾ وڏن عهدن تي مقرر ٿيلن کي طلب ڪنداسين. عدالت سڳوري وزيراعظم جي صلاحڪار شهزاد اڪبر کي 24 ڊسمبر تي ذاتي حيثيت ۾ عدالت جي سامهون پيش ٿيڻ جو حڪم ڏئي ڇڏيو. ان کان علاوه چيف جسٽس اسلام آباد هاءِ ڪورٽ جسٽس اطهر من الله وفاقي گادي واري شهر ۾ نئين سيڪٽرز جي تعمير سان بي گهر ٿيندڙ شهرين جي درخواست تي به ٻڌڻي ڪئي.
ٻڌڻي دوران جسٽس اطهر من الله حڪومت ۽ سي ڊي اي مٿان هڪ دفعو ٻيهر سخت ڪاوڙ جو اظهار ڪيو. هن چيو ته ڪجهه وقت کان اسان کي خبر پئي آهي ته اسلام آباد ۾ ته رياست نالي ڪا شيءَ ئي موجود ناهي. هن شهر جي چونڊيل نمائندن کي شامل ڪري ڪميشن ٺاهيو اهو به مسئلا حل نه ڪري سگهيو. رياست جڏهن ڪرپٽ ٿي وڃي ته ان کي بليڪ ميل به ڪيو ويندو آهي نه ته ڪنهن کي طاقت آهي جو رياست کي بليڪ ميل ڪري.
جسٽس اطهر من الله پنهنجي ريمارڪس ۾ چيو ته سي ڊي اي صرف ايف سڪس ۽ ايليٽ ڪلاس جي خدمت ۾ لڳل آهي. باقي اسلام آباد جو حال وڃي ڏسو. بااثر ماڻهن معاوضا به وٺي ڇڏيا پر عام شهرين کي نه ته معاوضو مليو نه ئي متبادل پلاٽس. نيب کان پلي بارگين ڪندڙ ڪرپٽ ماڻهو به بعد ۾ سرڪاري پلاٽ وٺندا رهيا.