اسلام آباد: وزيراعظم عمران خان هڪ ڏينهن جي دوري تي ڪابل پهچي ويو .
وزيراعظم عمران خان نورخان ائير بيس تان خاص جهاز وسيلي ڪابل روانو ٿيو هو .
ذريعن موجب وزيراعظم افغانستان جي دوري ۾ افغان عمل ، ٻه طرفا لاڳاپن تي ڳالهه ٻولهه ڪندو ، وزيراعظم اهو دورو افغان صدر اشرف غني جي دعوت تي ڪري رهيو آهي .
پرڏيهي وزير شاهه محمود قريشي سميت ٻيا عملدار وزيراعظم عمران خان سان گڏ افغانستان جي گادي واري شهر ڪابل پهتا آهن .
وزيراعظم عمران خان صدر اشرف غني سان ڪابل ۾ ون آن ون ملاقات ڪندو ، وزيراعظم پاڪستان ۽ افغان صدر سطح جي وفدن سان به ملاقات ڪندو.
وزيراعظم عمران خان ۽ افغان صدر اشرف غني گڏيل پريس ڪانفرنس به ڪندا .