حيدرآباد(بيورو رپورٽ) سنڌ جي ٻيٽن تي وفاق جي والار ۽ ڪارونجهر جبل جي امڪاني وڪري خلاف قومي عوامي تحريڪ جو محبت سنڌ بيداري مارچ اياز لطيف پليجو جي اڳواڻي ۾ رات ڀٽ شاھه ۾ ترسڻ بعد کيبر ۽ مٽياري کان ٿيندو حيدرآباد پهچي ويو آهي. سنڌ بيداري مارچ جي وک وک تي شاندار آجيان ڪئي وئي. مارچ کي قومي عوامي تحريڪ جي سربراهه اياز لطيف پليجو چيو آهي ته وقت اچي ويو آهي ته سنڌ جي وسيلن جي مالڪي لاءِ سنڌ واسي ميدان تي اچن چڪا آهن، سنڌ جو ٻچو ٻچو سنڌ جي ٻيٽن جي مالڪي ڪرڻ ڄاڻي ٿو. سنڌ جي ٻيٽن تي وفاق کي قابض ٿيڻ نه ڏنو ويندو، ٻيٽ سنڌ جو حصو آهن ۽ رهندا ان تي وفاق جي والار ڪهري به صورت ۾ برداشت نه ڪنداسين…..
