فرانس ۾ گستاخانه خاڪا شايع ڪرڻ خلاف سينيٽ ۾ مذمتي ٺهراءُ اتفاقِ راءِ سان منظور

اسلام آباد : فرانس ۾ گستاخانه خاڪا شايع ڪرڻ خلاف سينيٽ ۾ مذمتي ٺهراءُ اتفاقِ راءِ سان منظور ڪيو ويو. فرانس ۾ حڪومتي سرپرستي هيٺ گستاخ خاڪن جِي ڇَپائِي ۽ اسلامو فوبيا جَي وڌندڙ رجحان جِي شديد مذمت ڪئي وئي. ٺهراءُ ۾ چيو ويو آهي ته حڪومتي سرپرستي ۾ اهڙا قدم مذهبن ۾ وِڇوٽيون پيدا ڪندا. حضرت محمد ﷺ لاءِ اسان جِي محبت اسان جَي ايمان جو حصو آهي، ڪو به مسلمان سندس شان ۾ گستاخي برداشت نه ڪندو. عالمي برداري اهڙا قدم روڪڻ لاءِ پنهنجو ڪردار ادا ڪري، پرڏيهي وزير شاهه محمود قريشي قومي اسيمبلي ۾ مذمتي ٺهراءُ پيش ڪري ڇڏيو، پاڪستان گستاخ خاڪن ۽ فرانسيسي صدر جَي اسلام مخالف بيان خلاف احتجاج رڪارڊ ڪرائي ڇڏيو. فرانسيسي سفير کي پرڏيهي آفيس طلب ڪري احتجاجي خط سندس حوالي ڪيو ويو.

جواب شامل کریں

آپ کا ای میل ایڈریس شائع نہیں کیا جائے گا۔