اسلام آباد: پاڪستان جي 128 ضلعن ۾ اڄ کان پوليو مهم جي شروعات ٿي چڪي آهي ۽ 30 ملين کان وڌيڪ ٻارن کي پوليو کان بچاءُ جا ڦڙا پياريا ويندا.پوليو کان بچاءُ واري پروگرام جي ڪوآرڊينيٽر ٻڌايو آهي ته 5 سالن کان ننڍي عمر جي ٻارن کي پوليو کان بچاءُ جا ڦڙا پياريا ويندا. 2 لک 10 هزار فرنٽ لائن ورڪرز مهم ۾ حصو وٺي رهيا آهن.پنجاب جا 33 ضلعا، بلوچستان 33، سنڌ 41، گلگت بلتستان8، آزاد جمون ۽ ڪشمير جي 10 ضلعن ۽ خيبرپختونخواهه جي هڪ ضلعي ۾ پوليو کان بچاءُ واري مهم شروع ڪئي ويندي. اختيارين جو چوڻ آهي ته ورڪرز ڪورونا جي قائدن ۽ ضابطن تي عمل ڪندي مهم هلائيندا.7 ڏينهن واري پوليو مهم ۾ 2 لک 10 هزار فرنٽ لائن ورڪرز گهر گهر وڃي پوليو کان بچاءُ واري مهم ۾ حصو وٺند.ا بلوچستان ۾ مهم دوران 25 لک جي ويجهو ٻارن کي پوليو کان بچاءُ جا ڦڙا پيارڻ جو حدف مقرر ڪيو ويو آهي.
