اسلام آباد : وزيراعظم عمران خان چيو آهي ته ڪشمير مسئلو ڪيترن ئي ڏهاڪن کان گڏيل قومن جي نامڪمل ايجنڊا آهي .
وزيراعظم عمران خان گڏيل قومن جي قيام جي 75 هين سالگره جي موقعي تي پنهنجي پيغام ۾ چيو ته گڏيل قومن کي ڪورونا سبب ڪيترن ئي چيلنجن کي منهن ڏيڻو پئجي ويو جڏهن ته ڪيترين ئي رياستن جي آزادي جي حمايت ۽ انساني حقن لاءِ پاڪستان کي پنهنجي ڪردار تي فخر آهي .
هن چيو ته پاڪستان پنهنجي خود اراديت لاءِ جدوجهد ڪندڙن جي حمايت جاري رکندو ۽ عالمي تڪرارن جي نبيري لاءِ پاڪستان گڏيل قومن سان گڏجي ڪوششون جاري رکندو.
عمران خان چيو ته ڪشمير مسئلو ڪيترن ئي ڏهاڪن کان گڏيل قومن جي مڪمل ايجنڊا آهي ۽ 5 آگسٽ جي ڀارتي غيرقانوني قبضي کانپوءِ ڪشمير ۾ صورتحال بدتر ٿيندي پئي وڃي .
هن چيو ته والاريل ڪشمير جو عوام خود اراديت جي حق لاءِ گڏيل قومن طرف ڏسي رهيا آهن ،جڏهن ته عالمي قانونن ۽ معاهدن کي نظر انداز ڪري واپاري رڪاوٽون پيدا ڪيون ويون .
وزيراعظم عمران خان چيو ته سڄي دنيا ۾ امن جي قيام لاءِ جدوجهد ڪندڙن کي خراج تحسين پيش ڪريون ٿا .