راولپنڊي: ڀارتي فوج جي لائن آف ڪنٽرول ( ايل او سي) تي بنا ڪنهن جواز جي فائرنگ جي نتيجي ۾ پاڪ فوج جو سپاهي ۽ هڪ 15 ورهين جو نوجوان شهيد جڏهن ته چار شهري زخمي ٿي پيا .
پاڪ فوج جي عام تعلقاتن واري شعبي (آءِ ايس پي آر) موجب ڀارتي فوج سيڪٽر برو ۽ ٽنڊر تي بنا ڪنهن جواز جي فائرنگ ڪئي ، فائرنگ جي ڏي وٺ ۾ سپاهي شفيق بهادري سان وڙهندي شهيد ٿي ويو .
آءِ ايس پي آر موجب ڀارتي فوج جي شهري آبادي تي فائرنگ سان برو ڳوٺ جو 15 ورهين جو نوجوان به شهيد ٿيو ۽ هڪ عورت ۽ 80 ورهين جي پيرسن سميت 4 شهري زخمي ٿي پيا .
پاڪ فوج جي عام تعلقاتن واري شعبي آءِ ايس پي آر موجب پاڪ فوج جوابي ڪارروائي ۾ ڀارتي چوڪين کي نشانو بڻايو جنهن جي نتيجي ۾ ڀارتي مورچن ۾ جاني ۽ مالي نقصان جا اطلاع آهن .
ڪجهه ڏينهن اڳ ڀارتي فوج جي ڪنٽرول لائن ( ايل او سي ) تي بنا جواز فائرنگ جي نتيجي ۾ پاڪ فوج جو نائيڪ دلفراز شهيد ٿي ويو .
پاڪ فوج جي عام تعلقاتن واري شعبي ( آءِ ايس پي آر) موجب ڀارتي فوج ڪوٽ ڪوٽير اسيڪٽر تي پاڪ فوج جي چوڪين ۽ شهري آبادي تي بنا جواز فائرنگ ڪئي .