بلاول ڀٽو پاران گلگت بلتستان ۾ برساتن کان پوءِ ٿيندڙ نقصان تي ڳڻتي جو اظهار

اسلام آباد:   پ پ چيئرمين بلاول ڀٽو زرداري گلگت بلتستان ۾ برساتن کان پوءِ جي صورتحال تي ڳڻتي جو اظهار ڪيو آهي.

بلاول ڀٽو زرداري گلگت بلتستان ۾ ٻوڏ، لينڊ سلائيڊنگ، قراقرم روڊ بلاڪ ٿيڻ تي ڳڻتي جو اظهار ڪندي چيو آهي ته گلگت بلتستان ۾ تيز برساتن کان پوءِ بيٺل فصل ۽ باغ تباهه ٿي ويا.

موصلاتي نظام جي خرابي سبب ميڊيا کي نقصان رپورٽ ڪرڻ ۾ به پريشاني پيش آئي. بلاول ڀٽو زرداري وفاقي حڪومت تي زور ڏنو آهي ته گلگت بلتستان ۾ عوام ۽ بنيادي ڍانچي جي حفاظت جي لاءِ اين ڊي ايم اي ۽ ٻين امدادي ۽ بحالي جي کاتن کي فوري فعال ڪري. 

وفاقي حڪومت ۽ گلگت بلستان جي حڪومت شهرين جي مدد لاءِ سمورا وسيلا ڪتب آڻي. بلاول ڀٽو زرداري چيو ته قراقرم روڊ تي ٺهيل هڪ سرنگ ۾ ڏار پئجي ويا آهن. ان جي مرمت لاءِ فوري طور تي قدم نه کنيا ويا ته اها ڪري سگهي ٿي.

ٻوڏ ۽ لينڊ سلائيڊنگ ۾ سياحن ۽ مقامي ماڻهن جي جاني ۽ مالي نقصان تي ڳڻتي جو اظهار ڪيو. هن چيو ته اسان حڪومت کي گلگت بلتستان جي شهرين جي ڏکن کي نظر انداز ڪرڻ جي اجازت نه ڏينداسين.

جواب شامل کریں

آپ کا ای میل ایڈریس شائع نہیں کیا جائے گا۔