اسلام آباد: انساني حقن جي وفاقي وزير شيرين مزاري چيو آهي ته حيات بلوچ جي قاتلن کي سزا ملڻ گهرجي
انساني حقن جي وفاقي وزير شيرين مزاري قومي اسيمبليءَ ۾ پنهنجي خيالن جو اظهار ڪندي حيات بلوچ جي قتل جي پرزور لفظن ۾ مذمت ڪندي چيو آهي ته اهڙا سخت ايس او پيز هئڻ گهرجن ته جيئن اڳتي اهڙا واقعا نه ٿين، خاص ڪري بلوچستان ۾ جتي پهريان احساس محرومي موجود آهي.
شيرن مزاري وڌيڪ چيو ته اسان کي اعتراف ڪرڻ گهرجي ته ماحول تبديل ٿي رهيو آهي ۽ اهڙيءَ طرح تبديل ٿيندو رهندو، بلوچستان ۽ قبائلي ضلعن سميت سموري ملڪ ۾ ڪنهن به شهريءَ تي اهڙيءَ طرح جو تشدد ۽ قتل ڪرڻ جمهوريت ۾ ناقابل قبول آهي، حيات بلوچ جي قاتلن کي سزا ملڻ گهرجي.