ڪراچي : پيپلزپارٽي جي چيئرمين بلاول ڀٽو زرداري چيو آهي ته پي ٽي آءِ سرڪار سنڌ جِي راڄڌاني تي قبضو ڪرڻ چاهي ٿي، ڪراچي کي ڪالوني بڻائڻ جِي ڪوشش ڪئي ته سخت مخالفت ڪنداسين. بلاول ڀٽو چيو آهي ته ڪراچي تي قبضي لاءِ غير آئيني قدم کي سنڌ تي حملو سمجهيو ويندو. بلاول چيو ته عدالت تسليم ڪيو آهي ته آصف زرداري کي جيل ۾ سهولتون نه ڏنيون ويون، ڪارڪن مطالبو ڪري رهيا آهن ته آَصف زرداري نيب ۾ پيشي لاءِ ريلي جِي صورت ۾ وڃي، ڪورونا معاملي تي صحافي اسٽيبلشمينٽ جا ٽائوٽ نه بڻجن.
